ڕێنێسانس نیوز؛ سنه‌: ئه‌ندامێکی بنه‌ماڵه‌ی فه‌رزادی که‌مانگه‌ر، دوای ئه‌وه‌ی بۆ پرسینی ڕه‌وشی برا ئه‌شکه‌نجه‌کراوه‌که‌ی سه‌ردانی داواکاری گشتی (دادستان)ی سنه‌ "ئه‌مجه‌دیان"ی کرد، به‌ قۆڵبه‌ستکراوی ڕه‌وانه‌ی گرتووخانه‌ی ئیتلاعات کرا.

به‌ گوێره‌ی ئه‌و زانیارییانه‌ی ده‌ست ڕێنێسانس که‌وتوون، ڕۆژی پێنجشه‌ممه‌ی ڕابردوو مێهردادی که‌مانگه‌ر(برای گیراوی کورد فه‌رزادی که‌مانگه‌ر)، به‌مه‌به‌ستی ئاگادار بوون له‌ بارودۆخی برا ئه‌شکه‌نجه‌کراوه‌که‌ی سه‌ردانی داواکاری گشتیی سنه‌ی کردووه‌. به‌ گوێره‌ی بنه‌ماڵه‌ی ناوبراو داواکاری گشتی به‌ مێهردادی ڕاگه‌یاندووه‌ که‌ هه‌رکات فه‌رزادیان کوشت، جه‌نازه‌که‌ی ڕاده‌ستی بنه‌ماڵه‌که‌ی ده‌که‌نه‌وه‌.

به‌گوێره‌ی زانیارییه‌کان مێهرداد که‌ له‌ به‌رامبه‌ر ئه‌م لێدوانه‌ی داواکاری گشتی ناڕه‌زایه‌تی نیشان ده‌دا، له‌ لایه‌ن داواکاره‌وه‌ به‌ قوڵبه‌ستکراوی ڕاده‌ستی هێزه‌کانی ئیتلاعاتی سنه‌ ده‌کرێ. ناوبراو چه‌ند کاتژمێرێک دواتر ئازاد کراوه‌.